ويا البطمة ويا العذره *** اعطيني ساعة من وقتك
باش نقوليك يا الشجره *** أنايا الله يزيدني محبتك
ومحبتك فالقلب كبيرة *** راسخه وليها جذور
ونار عشقك ما يداويها *** لا طالب ولا بخور
اذا يطلع الصباح *** ترخي جلايلك
واذا يجي النهار *** يكثرو ظلايلك
واذ يجيو الملاح *** يطيحو فحبايلك
قفطانك اخضر *** طول العام متبدليهش
وحزامك ضو لقمر*** كيف يدير العاشق متهوليهش
بالصمغ عكرتي فمك *** وبالندى عطرتي خدك
وللريح حكيتي سرك ***وللطير عطيتي قلبك
وأنايا مسكين***وأنايا مسكين
وأنايا حزين *** وأنايا حزين
بقيت بلاش *** بقيت بلاش
Aucun commentaire:
Enregistrer un commentaire